Ustoz
Abdunabi Ibragimov
Абдунаби Ибрагимов
Biografiya
Samarqand viloyati Urgut tumanida tug’ilgan.
1995 yili o’qishni tugatib, Toshkent Davlat konservatoriyasining “An'anaviy ijrochilik” (xonandalik) bo’limiga o’qishga kirdi. U erda O’zbekiston xalq hofizi professor F.Mamadalievdan mumtoz san'at sirlaridan saboq oldi.
1999 yili konservatoriyani tugatib Yu.Rajabiy nomidagi maqom ansambliga xonanda sifatida ishga kirdi. Bu erda ustozlari, O’zbekiston xalq hofizlari O.Xotamov, E.Lutfullaev, O’zbekiston xalq artisti A.Ismoilovlardan maqom ijrochiligi sirlarini va bastakorlar ijodidan o’rganib, Teleradiokompaniyaning oltin hazinasiga ko’plab asarlarni yozdirdi.
2000 yili Andijonda bo’lib o’tgan “Katta ashula” respublika ko’rik tanlovida va 2001 yili Samarqandda o’tkaziladigan “Sharq taronalari” xalqaro festivali ko’rik tanlovida O’zbekiston xalq hofizi S.Niyozov bilan birgalikda qatnashib, birinchi o’rin sohibi bo’ldilar.
2008 yilda “O’zbekiston xalq hofizi” yuksak unvoni bilan taqdirlandi.