Ustozlar ro'yxatiga qaytish
Malika Ziyoyeva

Ustoz

Malika Ziyoyeva

Малика Зиёева

Ilmiy ishda qanday keltirish

Kurs ishi, diplom, dissertatsiya yoki maqolada MerosLegacy dan foydalansangiz, manbani shunday ko'rsating. Murojaat sanasi bugungi kun.

GOSTO'zbekiston va MDH oliy ta'limida

Malika Ziyoyeva (1956) // MerosLegacy — o‘zbek maqom merosi arxivi : [sayt]. – URL: https://meroslegacy.uz/teacher/malika-ziyoyeva/ (murojaat sanasi: 23.11.2026).

APAXalqaro maqolalar uchun

MerosLegacy. (n.d.). Malika Ziyoyeva (1956). MerosLegacy — Uzbek maqom heritage archive. Retrieved November 23, 2026, from https://meroslegacy.uz/teacher/malika-ziyoyeva/

Tug'ilgan 1-Fevral, 1956-yil
Tug'ilgan joyi Farg'ona Viloyati
Kasbi Maqomchi, Dutorchi

Biografiya

Malika Ziyoyeva 1956-yil 1-fevral kuni Fargʻona viloyati, Fargʻona tumanida tugʻilgan. 1969-yilda Fargʻona musiqa bilim yurtining dutor sinfiga oʻqishga qabul qilingan. Keyinchalik Toshkent davlat konservatoriyasining Sharq musiqasi fakultetida Faxriddin Sodiqov qoʻlida tahsil olgan. 1979-yilda konservatoriyani tamomlab, „Oʻzbekiston teleradio“ kompaniyasi huzuridagi Yunus Rajabiy nomidagi maqom ansambliga ishga kirgan. U yerda Turgʻun Alimatov, Orif Qosimov, Berta Dovidova kabi mashhur ijrochilar bilan hamkorlik qilgan. 1990-yillardan boshlab ansambl bilan birga Fransiya, Germaniya, Italiya, Ispaniya va boshqa mamlakatlarda konsertlarda qatnashgan.

Yutuqlari

Malika Ziyoyeva koʻplab shogirdlar yetishtirgan. Ularning orasida Oʻzbekistonda xizmat koʻrsatgan artist Ilyos Arabov, shuningdek, xorijda ijod qilayotgan Roziyaxon Sultonova (Buyuk Britaniya), Anetta (Germaniya), Tanya Merchard (AQSh) kabi ijrochilar bor. Tanya Merchard „Oʻrta Osiyo sozanda ayollari“ kitobida Malika Ziyoyeva ijodini yoritgan. 2005-yilda u rahbarligida „Shukrona“ professional dutorchilar ansambli tashkil etilgan. Ansambl repertuariga maqom yoʻllari va xalq kuylarining dutor uchun moslashtirilgan variantlari kiritilgan. Ansambl turli festivallar, xususan, Shahrisabzda oʻtkazilgan xalqaro maqom festivalida ishtirok etgan.
Assalomu alaykum! Men Arxivchiman — MerosLegacy arxivi yordamchisi. Kuy, nota, she'r matni, ustoz yoki audio kerakmi? Yozing — topib beraman, notani yuklab olish va tinglashga ham yordam beraman.