Ustoz
Soyibjon Niyozov
Сойибжон Ниёзов
Biografiya
Buxoro viloyati Olot tumanida ishchi oilasida tug’ilgan.
1990 yili Toshkent Davlat konservatoriyasining “An'anaviy ijrochilik” (xonandalik) mutaxassisligi bo’yicha tahsil oldi. Konservatoriyada ustoz
O’zbekiston xalq artisti O’lmas Rasulovdan maqom sirlarini va ijrochilik amaliyotini puxta o’zlashtirdi.
1994 yili O’zteleradiokompaniyasi qoshidagi Yu.Rajabiy nomidagi maqomchilar ansambliga xonanda sifatida ishga taklif etildi.
U ko’plab ko’rik tanlovlarda qatnashdi, jumladan 1995 yilda Yu.Rajabiy nomidagi xalqaro maqom ko’rik tanlovi, 1997 yilda Samarqanddagi H.Abdurasulov xotirasiga bag’ishlangan ko’rik tanlovi, 1999 yili Ellik Qal'a tumanida bo’lib o’tgan O.Xudoyshukurov nomidagi ko’rik tanlov, 2000 yili Andijonda bo’lib o’tgan “Katta ashula” Respublika ko’rik tanlovlarida qatnashib birinchi o’rinlarni egalladi.
2001 yili Samarqandda o’tkaziladigan “Sharq taronalari” xalqaro festivali ko’rik tanlovida O’zbekiston xalq hofizi A.Ibrohimov bilan birgalikda qatnashib, birinchi o’rin sohibi bo’ldilar.
2004 yili “O’zbekistonda hizmat ko’rsatgan artist” 2009 yili “O’zbekiston xalq hofizi” unvonlari bilan taqdirlandi.